RAAF keer hierdie September terug na Namibië vir hul jaarlikse Namibië-toer. Sluit aan vir onvergeetlike konserte in Windhoek en Swakopmund, waar Lourens en Esté gehore op 'n reis neem van oorspronklike musiek, stories, humor en die kenmerkende energie waarvoor RAAF geliefd is. Van intieme luisterliedjies tot saam-sing oomblikke beloof elke vertoning 'n unieke ervaring. Of jy RAAF al jare volg of hulle vir die eerste keer beleef, hierdie toer vier die besondere band tussen RAAF en hul Namibiese gehoor.
